Simbachawene: Serikali itaendelea kusimamia matumizi ya chuma chakavu

-

Na Mosses Mahundi, Dar es Salaam

Serikali imesema jana kwamba itaendelea  kusimamia kwa karibu sana kuwepo na matumizi ya  vyuma chakavu na taka hatarishi kwa sababu vitu hivyo  moja ya rasilimali muhimu sana katika kutekeleza azma ya serikali ya kujenga uchumi wa kati na viwanda ifikapo 2025.

Kauli hii imetolewa Jijini Dar es Salaam na Waziri wa Nchi Ofisi ya Makamu wa Rais (Muungano na Mazingira), Bw George Simbachawene, alipotembelea Kiwanda ch OK Plast cha Dar es Salaam ambako ameelezwa kwamba kiwanda hicho kinatumia chuma chakavu na taka hatarishi kama malighafi ya kutengeneza nyaya za shaba na kinatumia betri za magari chakavu kutengeneza  mikeke ya kisasa.

Akizungumza na wafanyakazi na viongozi wa kiwanda hicho, Waziri Simbachawene amesema serikali itaendelea kusimamia kwa karibu marufuku ya usafirishaji wa chuma chakavu na taka hatarishi  ili vitumiwe na viwanda vya ndani kutengeneza bidhaa kwa soko la ndani na nje.

“Nawashukuru nyinyi OK Plast, kwa sababu  mmeonyesha kwa nini serikali ilifanya maamuzi ya kuzuia usafirishaji wa chuma chakavu na taka hatarishi nje ya nchi. Viwanda vya ndani ni muhimu sana katika kutoa nafasi za ajira, lakini pia tutasafirisha bidhaa hizo nje kama ambavyo OK Plast mnafanya. Hali hiyo itatuingizia pesa za kigeni na kuongeza thamani ya pesa yetu hapa nchini,’’ ameieleza hafla hiyo.

Amesema kuwa ushahidi mwingine wa thamani ya marufuku hiyo ni kwamba  chuma chakavu na taka hatarishi vinavyopatikana nchini bado vinahitajika mno kwani hivyo vinavyopatikana havitoshelezi mahitaji ya viwanda vya ndani.

“Duniani kote sasa wanatumia malighafi hizi za vyuma chakavu na taka hatarishi katika kujipatia malighafi za viwanda vyao. Hivyo nasi hatuna budi kurejeleza vyuma hivyo ili vitumike kama malighafi katika viwanda vya ndani,” amewaeleza wafanyakazi na kuongeza  kuwa serikali iko makini na jambo hilo kwa sababu viwanda vya ndani vinachangia ukuaji wa pato la taifa

Akijibu ombi la  Afisa Mhakiki wa Kiwanda hicho, Bw.Anacleto Pereira, kwamba serikali itafute njia nzuri ili kiwanda chao kipate shaba kutoka kwa wachimbaji wadogo wa shaba nchini, waziri amewashauri  wenye viwanda vinavyotumia shaba katika kutengeneza bidhaa kuweka mipango yao vizuri ili wanunue shaba kutoka kwa wachimbaji wa ndani.

Bw Pereira ameishukuru serikali kwa kuweka marufuku hiyo na kueleza kwamba hapo nyuma kiwanda chao na vingine vilikuwa vinakabiliwa na uhaba wa malighafi hiyo wakati chuma chakavu na taka hatari vinapelekwa nje kuneemesha watu wengine.


Comments

Post a Comment

Popular posts from this blog

Mkuu wa Mkoa Pwani asifu juhudi za mmiliki wa Makampuni ya Global Packaging na Wande Printing

-
Image
Mkuu wa Mkoa wa Pwani, Mhandisi Evarist Ndikilo(kushoto) akizungumza jambo na Mwakilishi wa Makampuni ya Global  Packaging Ltd na Wande Printing Ltd Bw. Benno Mwitumba(wapili kulia) na wadau wengine katika eneo la ujenzi wa ukumbi na ofisi  za chama  cha mapinduzi (CCM) mkoa wa Pwani  unajengwa  kwenye ofisi za  CCM Mkoa mara baada ya kukabidhiwa mifuko ya 200 ya saruji. Mkuu wa Mkoa wa Pwani , Mhandisi Evarist Ndikilo  (kulia) akizungumza  mara baada ya kumalizika kwa hafla fupi ya makabidhiano ya mifuko 200 ya saruji  iliyofanyika  kwenye makao makuu ya Chama cha Mpinduzi Mkoani Pwani  lengo ikiwa ni  kusaidia ujenzi wa ukumbi na ofisi ya Chama hicho. Wapili kulia ni  mwakilishi wa Makampuni ya Global  Packaging Ltd na Wande Printing Ltd Bw. Benno Mwitumba, kushoto ni  mshauri wa Uchumi  kutoka Global  Packaging Ltd Bw. Adoh Mapunda na wapili kushoto ni  Katibu Mkuu wa CCM Mkoa wa Pwani, Bw. Ally Makoa. Mkuu wa Mkoa wa Pwani , Mhandisi Evarist Ndikilo  (kulia) akizun
Read more

17 projects to house 80,000 tonnes of crops being built

-
Image
  By Abdallah Luambano, Dar es Salaam Tanzania is implementing 17 crop storage schemes that will hold over  80,000 tonnes  in  ten different points countrywide in order to reduce post-harvest losses which is estimated to cost the country 3.92 billion or 1.8 US million dollars. In this public-private venture, the Tanzania Agricultural Development Bank (TADB) represents the Tanzania Government, according to a document on the massive projects seen in Dar es Salaam today. The document says some five silos and 12 warehouses are currently being built.  Out of the 80,000 tonnes, 34,000 tonnes of maize will be stored in the proposed structures. According to the document, expert estimates show that an astonishing 30% - 40% of cereals and an even higher percentage for perishable foodstuffs is recorded as post-harvest losses. Experts define post-harvest losses as measurable quantitative and qualitative food loss in the post-harvest system.  The document gives background to the ven
Read more

Tanesco: Azma ya uchumi wa kati na wa viwanda ifikapo 2025 inatekelezeka

-
      Na jenny Chillery, Dar es Salaam Shirika la Umeme Tanzania (Tanesco) limesema kuwa usambazaji wa umeme vijijini  unabadilisha maisha ya wananchi na umekuwa  ni chocheo kikubwa katika kutimiza azma ya serikali ya Rais John PombeMagufuli ya kuifanya Tanzania kuwa nchi ya uchimi wa kati na wa viwanda ifikapo 2025. Akizungumza katika mahojiano na katika kipindi kilichorushwa na Kituo kimoja cha Television Jijini Dar es Salaam,   Mkurugenzi Mtendaji wa Tanesco, Dkt. Tito Mwinuka, amesema jana kuwa  Tanesco imekuwa ikishirikiana kwa karibu sana na Wakala wa Usambazaji Umeme Vijijini (REA) katika kupeleka umeme vijijini.  Ameshukuru REA kwa ushirikiano huo na kueleza kuwa ushirikiano huo umeongeza sana ujenzi wa viwanda vya kati, na kwamba  ujenzi wa viwanda umesaidia sana katika kubadili maisha ya wananchi kiuchumi. Kwa kuwa umeme umefika vijijini, ameeleza mtaalamu huyo, azima ya kufikia uchumi wa kati na wa viwanda ifikapo 2025 inatekelezeka. Amesema katika
Read more