Serikali, TPSF kukabili changamoto za uwekezaji na biashara kwa mtandao

Na Mosses Ferdinand, Dodoma

 SERIKALI na Taasisi ya Sekta Binafsi (TPSF) wamandaa mfumo wa kieletroniki wa kupeana malalamiko, maoni na kupata mrejesho ili kuinua daraja wa uwekezaji nchini na kuzidi kuboresha mazingira ya kufanya biashara. ambao utaanza kutumika mwaka 2020/2021.

Akitangaza ubunifu huo bungeni hapa jana wakati akiwasilisha bajeti ya ofisi yake kwa mwaka 2020/2021, Waziri Mkuu Kassim Majaliwa amesema ameusifu  mfumo huo  na kusema kwamba utapunguza urasimu na kuongeza ufanisi katika kuwahudumia wawekezaji na kulieleza bunge kwamba juhudi ya Watanzania kujiletea maendeleo ya kisasa inazaa matunda.

“Mazingira ya uwekezaji na ufanyaji biashara vimeendelea kuimarika, na ushahidi huu inathibitishwa na taarifa ya hivi karibuni ya Benki ya Dunia juu  ya Wepesi wa kufanya Biashara ya mwaka 2020.  Tanzania imepanda kwa nafasi tatu kutoka nafasi ya 144 hadi nafasi ya 141,’’
ameeleza waziri mkuu  na kushangiliwa na wabunge.

 Ameliambia bunge kwamba mfumo huo wa kieletroki utaoneza  ufanisi zaidi katika ukuzaji uwekezaji na ufanyaji biashara nchini. Amesema ameahidi kwamba  serikali ikishirikiana na TPSF itaendelea kuboresha mazingira ya uwekezaji na ufanyaji biashara  ili kupata nafasi za juu ya dunia  katika eneo hili. biashara.

Waziri Mkuu amezitaka taaasisi zote za serikali kuweka mazingira mazuri na rafiki kwa uwekezaji, kuimarisha uratibu wa ukaribu na kufungua fursa zaidi za uwekezaji na ufanyaji biashara.

 “Serikali itaendelea kuhamasisha mikoa yote nchini kuandaa makongamano ya uwekezaji  na kuzindua miongozo ya uwekezaji ya mikoa inayobainisha fursa za uwekezaji ili kufikia nafasi ya juu ya utendaji  ifikapo mwaka 2025,’’ amesema Bw. Majaliwa.

Waziri mkuu amesema serikali itahakikisha maeneo ya uwekezaji yanatengwa na kuendelezwa kwa kuwekewa miundombinu ya msingi .

“Juhudi kubwa imefanywa na serikali za mikoa kwa kuzindua miongozo ya fursa za kiuwekezaji ambapo jumla ya hekta 854,821 zimetengwa kwa ajili ya uwekezaji katika maeneo halmashauri zote nchini,’’ ameliambia bunge.

Mikoa ambayo  imezindua miongozo ya uwekezaji ni Ruvuma, Songwe, Pwani, Lindi, Mtwara, Kagera, Geita, Kilimanjaro, Simiyu, Manyara, Dodoma, Mwanza, Kigoma, na Morogoro.

Hadi kufikia Februari 2020  jumla ya miradi 146 yenye thamani ya Dola za Marekani  milioni 1,514.57 imesajiliwa na inategemewa kutoa ajira za moja kwa moja 26,384.

Mwisho/