Sagcot Kichocheo yapongezwa kwa kuinua wakulima wadogo

-

NAIBU Waziri wa Kilimo Innocent Bashungwa  akielezea jambo  alipotembele  makao makuu ya Mfuko wa SAGCOT Kichocheo yaliyopo  jijini Dar es Salaam ikiwa  ni ziara  yake ya kwanza  toka ateuliwe na Rais  wa jamuhuri ya Muungano wa Tanzania Mhe, Dkt. John  Pombe Magufuli.

NAIBU Waziri wa Kilimo Innocent Bashungwa  akizungumza jambo na watendaji wa Mfuko wa SAGCOT Kichocheo(Sagcot Catalytic Trust Fund [CTF]) alipotembelea makao makuu ya ofisi hizo jijini Dar es Salaam ikiwa  ni ziara  yake ya kwanza  toka ateuliwe na Rais  wa jamuhuri ya Muungano wa Tanzania Mhe, Dkt. John  Pombe Magufuli.  

Na Abdallah Luambano, Dar es Salaam

SAGCOT Kichocheo (Sagcot Catalytic Trust Fund [CTF]) imepongezwa na Naibu Waziri wa Kilimo, Bw. Innocent Bashungwa,kwa kuwainua wakulima wadogo na kuwaingiza katika kilimo chenye tija.

Ameiambia hafla katika ofisi za mfuko huo baada ya  kutembelea taasisi hiyo Jijini Dar es Salaam kwamba kilimo chenye tija kitachagiza maendeleo ya haraka kwa Taifa.

Bw. Bashungwa amesema Serikali imejipanga kuhahikisha wakulima wanapata pembejeo kwa wakati, kuwapa mitaji na kutafuta masoko kwa mazao yote ya kimkakati ili kufikia adhima ya serikali ya kutokomeza umasikini unaowakabili  wakulima na Taifa kwa ujumla

“Serikali inafanya jitihada kubwa katika kumtafutia mkulima masoko ya mazao yake, kuagiza pembejeo nje ya nchi ili mkulima azipate kwa bei nafuu pamoja na kuwapa mitaji kupitia taasisi zake mbalimbali ,” amesema Bw. Bashungwa, na kuongeza kwamba Serikali imejipanga kuhahikisha wakulima wanapata pembejeo kwa wakati,  mitaji na masoko.

Ametoa ameushauri mfuko kushirikiana na taasis nyingine zinazojihusisha moja kwa moja na kilimoi kubuni mpango endelevu wa kumsaidia mkulima kushinda umaskini.  Ametaja taasisi za aina hiyo kuwa ni Benki ya Maendeleo ya Kilimo (TADB).

“Nichukue nafasi hii kuwapongeza kwa kazi kubwa mnazozifanya licha ya changamoto kadhaa mlizonieleza. Kwa ushirikiano wenu na wadau  wa sekta hii na mipango iliyopo tutafikia malengo ya Serikali ya kufikia uchumi wa kati kwa kujenga viwanda. Tukumbuke kuwa kilimo kinaajiri  zaidi ya asilimia 65 ya Watanzania  na ni chanzo kikubwa cha malighafi,” amesema Naibu Waziri huyo.

Katibu Mtendaji wa mfuko huwo, Bw. John Kyaruzi, amemshukuru Naibu Waziri kwa ziara yake na kueleza kwamba imetoa fursa kwa mfuko kueleza mafanikio na changamoto ambazo wanakutananazo  katika kutimiza malengo yake.

“Hii ni fursa adhimu kutembelewa na Naibu Waziri, tunashukuru sana na tumetumia nafasi hii kueleza mambo tunayokabiliana nayo katika utekelezaji wa majukumu yetu.” Alisema Bw. Kyaruzi

Bw. Kyaruzi alimhakikishia Waziri kuwa taasisi yake itayafanyia kazi mapendekezo yote kwani kimsingi yatamsaidia mkulima kutokana na umasikini kwa kuenzi kilimo chenye tija.
Tangu kuanzishwa kwa mfuko umejenga maghala katika maeneo mbalimbali katika mikoa ya nyanda za juu kusini, umetoa wa mikopo yenye masharti nafuu, kusambaza  pembejeo na kwa  wakulima wadogo.

Mwisho.


Comments

Post a Comment

Popular posts from this blog

Mkuu wa Mkoa Pwani asifu juhudi za mmiliki wa Makampuni ya Global Packaging na Wande Printing

-
Image
Mkuu wa Mkoa wa Pwani, Mhandisi Evarist Ndikilo(kushoto) akizungumza jambo na Mwakilishi wa Makampuni ya Global  Packaging Ltd na Wande Printing Ltd Bw. Benno Mwitumba(wapili kulia) na wadau wengine katika eneo la ujenzi wa ukumbi na ofisi  za chama  cha mapinduzi (CCM) mkoa wa Pwani  unajengwa  kwenye ofisi za  CCM Mkoa mara baada ya kukabidhiwa mifuko ya 200 ya saruji. Mkuu wa Mkoa wa Pwani , Mhandisi Evarist Ndikilo  (kulia) akizungumza  mara baada ya kumalizika kwa hafla fupi ya makabidhiano ya mifuko 200 ya saruji  iliyofanyika  kwenye makao makuu ya Chama cha Mpinduzi Mkoani Pwani  lengo ikiwa ni  kusaidia ujenzi wa ukumbi na ofisi ya Chama hicho. Wapili kulia ni  mwakilishi wa Makampuni ya Global  Packaging Ltd na Wande Printing Ltd Bw. Benno Mwitumba, kushoto ni  mshauri wa Uchumi  kutoka Global  Packaging Ltd Bw. Adoh Mapunda na wapili kushoto ni  Katibu Mkuu wa CCM Mkoa wa Pwani, Bw. Ally Makoa. Mkuu wa Mkoa wa Pwani , Mhandisi Evarist Ndikilo  (kulia) akizun
Read more

Tanesco: Azma ya uchumi wa kati na wa viwanda ifikapo 2025 inatekelezeka

-
      Na jenny Chillery, Dar es Salaam Shirika la Umeme Tanzania (Tanesco) limesema kuwa usambazaji wa umeme vijijini  unabadilisha maisha ya wananchi na umekuwa  ni chocheo kikubwa katika kutimiza azma ya serikali ya Rais John PombeMagufuli ya kuifanya Tanzania kuwa nchi ya uchimi wa kati na wa viwanda ifikapo 2025. Akizungumza katika mahojiano na katika kipindi kilichorushwa na Kituo kimoja cha Television Jijini Dar es Salaam,   Mkurugenzi Mtendaji wa Tanesco, Dkt. Tito Mwinuka, amesema jana kuwa  Tanesco imekuwa ikishirikiana kwa karibu sana na Wakala wa Usambazaji Umeme Vijijini (REA) katika kupeleka umeme vijijini.  Ameshukuru REA kwa ushirikiano huo na kueleza kuwa ushirikiano huo umeongeza sana ujenzi wa viwanda vya kati, na kwamba  ujenzi wa viwanda umesaidia sana katika kubadili maisha ya wananchi kiuchumi. Kwa kuwa umeme umefika vijijini, ameeleza mtaalamu huyo, azima ya kufikia uchumi wa kati na wa viwanda ifikapo 2025 inatekelezeka. Amesema katika
Read more

Simbachawene: Serikali itaendelea kusimamia matumizi ya chuma chakavu

-
Image
Na Mosses Mahundi, Dar es Salaam Serikali imesema jana kwamba itaendelea  kusimamia kwa karibu sana kuwepo  na matumizi ya  vyuma chakavu na taka hatarishi kwa sababu vitu hivyo  moja ya rasilimali muhimu sana katika kutekeleza azma ya serikali ya kujenga uchumi wa kati na viwanda ifikapo 2025. Kauli hii imetolewa Jijini Dar es Salaam na Waziri wa Nchi Ofisi ya Makamu wa Rais (Muungano na Mazingira), Bw George Simbachawene, alipotembelea Kiwanda ch OK Plast cha Dar es Salaam ambako ameelezwa kwamba kiwanda hicho kinatumia chuma chakavu na taka hatarishi kama malighafi ya kutengeneza nyaya za shaba na kinatumia betri za magari chakavu kutengeneza  mikeke ya kisasa. Akizungumza na wafanyakazi na viongozi wa kiwanda hicho, Waziri Simbachawene amesema serikali itaendelea kusimamia kwa karibu marufuku ya usafirishaji wa chuma chakavu na taka hatarishi  ili vitumiwe na viwanda vya ndani kutengeneza bidhaa kwa soko la ndani na nje. “Nawashukuru nyinyi OK Plast, kwa sababu
Read more